30 tysiač jeŭra dla lačeńnia Alaksandra Milinkieviča sabrali za try dni
Pra toje, što patrebnaja suma dla intensiŭnaj reabilitacyi paśla ciažkoj apieracyi viadomaha palityka i hramadskaha dziejača Alaksandra Milinkieviča ŭžo sabranaja, paviedamiła ŭ fejsbuku jahonaja žonka Ina Kulej.
Alaksandr Milinkievič. Fota: «Naša Niva»
«Pa maich padlikach suma zboru dasiahnutaja. Na sajcie, dzie adbyvajecca zbor, pakazčyk 82%, ale achviaravańni prychodzili i na padadzienuju spasyłku PayPal, na numar rachunku ŭ jeŭra i, pa prośbach achviaradaŭcaŭ, pryvatna praz blik. Paśla pieraličeńnia ahulnaj sumy ŭ złotyja vyjšła 100% patrebnaj sumy.
Našaja siamja nievierahodna ŭdziačnaja kožnamu chto dapamoh finansava, chto staviŭ spasyłku ŭ siabie ŭ sacsietkach, chto napisaŭ ciopłyja słovy padtrymki. Ščyra dziakujem tym ŚMI, jakija pašyryli infarmacyju. Ja abaviazkova budu davać apdejty pa tym, jak vašaja dapamoha spryjaje viartańniu Alaksandra da zdaroŭja», — napisała Ina Kulej.
Zbor na polskaj płatformie zrzutka.pl, adnak, jašče praciahvajecca, jon budzie zakryty 31 traŭnia.
Čytajcie taksama:
Alaksandru Milinkieviču patrabujecca ekstrannaja dapamoha
Ina Kulej: Milinkievič pakul lažačy chvory, ale pilna sočyć za navinami
Ina Kulej: Milinkievič pieramoh śmierć, ale šlach da poŭnaha adužańnia niablizki