Pamior eks-aŭtahonščyk Viačasłaŭ Ruskich
Jamu było 72 hady.
Fota: autorul_by
Pamior viadomy biełaruski aŭtahonščyk Viačasłaŭ Ruskich. Jon byŭ majstram sportu SSSR i Biełarusi pa aŭtasporcie, pryzioram čempijanatu SSSR, šmatrazovy čempijonam Biełarusi pa rali i aŭtakrosie.
«Biełaruski aŭtasport panios vialikuju stratu: pamior Viačasłaŭ Siarhiejevič Ruskich. Paśla zaviaršeńnia svajoj spartyŭnaj karjery Viačasłaŭ Ruskich, pracujučy trenieram, vychavaŭ cełuju plejadu spartsmienaŭ-aŭtahonščykaŭ, jakija paśpiachova vystupajuć u roznych dyscyplinach aŭtasportu. Jon vielmi šmat sił addavaŭ padrychtoŭcy maładych piłotaŭ, pieradajučy ŭvieś svoj dośvied i viedy. Ad imia biełaruskich spartsmienaŭ i našaj arhanizacyi vykazvajem hłybokija spačuvańni rodnym i blizkim», — paviedamlaje autorul_by.
Raźvitańnie ź Viačasłavam Ruskich adbudziecca zaŭtra, 30 maja, u Minsku pa adrasie vuł. Kulman, 33, pačatak a 13:00.