Zialenski: Majem infarmacyju ad raźviedak pra padrychtoŭku Rasijaj novaha masiravanaha ŭdaru
«Važna, kab usie našy partniory viedali, što adbyvajecca», — zaznačyŭ prezident Ukrainy.
Uładzimir Zialenski i Andrej Sibiha, fota th prezidenta Ukrainy
«My majem infarmacyju ad raźviedak pra padrychtoŭku Rasii da novaha masiravanaha ŭdaru. Važna, kab usie našy partniory viedali, što adbyvajecca, i što Rasija praciahvaje abapiracca na rakiety i dalejšuju vajnu, a nie na dypłamatyčnyja kroki. Pierš za ŭsio heta aznačaje, što patrebnyja dadatkovyja miery sankcyjnaha cisku na Rasiju i što našy damoŭlenaści z partniorami pra SPA nie mohuć zaciahvacca ŭ realizacyi», — napisaŭ Uładzimir Zialenski ŭ telehram-kanał.
Jon abmieravaŭ ź ministram zamiežnych spraŭ Ukrainy Andrejem Sibiham adpaviednyja zadačy: što pavinna być zroblena ŭ hetyja tydni i jakija kroki partnioraŭ mohuć padtrymać abaronu Ukrainy najbolš efiektyŭna.