Ministr zamiežnych spraŭ Ukrainy raskazaŭ, kolki ŭkraincaŭ zaraz za miažoj
Za miažoj na hety momant vymušana znachodziacca bolš za 8 młn ukraincaŭ, ułady majuć namier pradpryniać kroki dla ich viartańnia dadomu, zajaviŭ kiraŭnik MZS Ukrainy Andrej Sibiha, vystupajučy ŭ Viarchoŭnaj Radzie.
«Dla nas heta sapraŭdy stanovicca ŭžo vyklikam biaśpieki. My prama kažam, što buduć pryniaty nieabchodnyja miery, raspracavany nieabchodnyja kroki, kab stymulavać abo stvaryć naležnyja ŭmovy dla viartańnia ŭkraincaŭ dadomu. Heta hałoŭnaja stratehičnaja meta», — skazaŭ jon.
Sybiha adznačyŭ, što dla viartańnia ŭciekačoŭ pierš za ŭsio pavinny być stvorany ŭmovy biaśpieki ŭnutry krainy. Hetaje pytańnie, pavodle jaho słoŭ, abmiarkoŭvajecca z partniorami Kijeva, piša RBK-Ukraina.
«My taksama bačym, što nie ŭsie krainy zacikaŭlenyja ŭ viartańni ŭkraincaŭ, uličvajučy ŭniosak našych hramadzian u raźvićcio ekanomik, ich uzrovień kvalifikacyi, adaptyŭnaść u hetych krainach. Tamu faktyčna nam jašče treba budzie zmahacca za svaich ludziej, kab jany viarnulisia», — dadaŭ dypłamat.