U Litvie vykryli bujny kanał kantrabandy praz pavietranyja šary
U Salečnickim rajonie litoŭskija pravaachoŭniki vykryli bujny kanał kantrabandy ź Biełarusi i zatrymali troch čałaviek. Apieracyja adbyłasia 19 maja, paviedamlaje Litoŭskaja palicyja.
Supracoŭniki kryminalnaj palicyi razam ź inšymi padraździaleńniami vyjavili ŭ lasnym masivie kala vioski Navasiołki (Naujasodis) padazronyja aŭtamabili, padrychtavanyja dla pieravozki nielehalnaha hruzu. Pobač znajšli 24 skrynki cyharet ź biełaruskimi akcyznymi markami.
Pavodle infarmacyi śledstva, kantrabandu dastaŭlali ŭ Litvu z dapamohaj mietearałahičnych pavietranych šaroŭ.
Dvuch padazravanych zatrymali ŭ lesie adrazu, treci spačatku ŭciok, ale paźniej sam źjaviŭsia ŭ palicyju.
Padčas pieratrusaŭ u mašynach i žylli fihurantaŭ znajšli:
- kala 12 tysiač pačkaŭ cyharet NZ (na sumu prykładna 65 tysiač jeŭra);
- GPS-pryłady;
- abstalavańnie dla błakavańnia suviazi;
- prybory načnoha bačańnia,
- telefony, kampjutary i najaŭnyja hrošy.
Suprać zatrymanych raspačali kryminalnuju spravu za kantrabandu i niezakonny abarot akcyznych tavaraŭ. Im pahražaje da 8 hadoŭ pazbaŭleńnia voli. Sud užo zaklučyŭ usich traich pad vartu na 3 miesiacy.
Čytajcie taksama:
U Litvie zatrymali mužčynu, jaki pryjšoŭ zabrać cyharety, pierapraŭlenyja šaram ź Biełarusi