U Kitai adkryli kramu biełaruskaha marožanaha
Kobrynski masłasyrarobny zavod adkryŭ svaju pieršuju firmovuju kramu marožanaha ŭ Kitai — u šanchajskim rajonie Baašań, paviedamiła Hienieralnaje konsulstva Biełarusi ŭ Šanchai.
Fota ilustracyjnaje
Heta padzieja stała vynikam supracoŭnictva biełaruskaha pradpryjemstva z kitajskaj kampanijaj, ź jakoj damoŭlenaść była dasiahnuta jašče ŭ 2025 hodzie padčas mižnarodnaj vystavy impartu ŭ Kitai.
Na adkryćci kramy hienieralny konsuł Biełarusi ŭ Šanchai Alaksandr Šaŭčenka adznačyŭ, što biełaruskaja małočnaja halina maje daŭnija tradycyi. Asobna padkreślivałasia, što kobrynskaje marožanaje vyrablajecca z naturalnaha małaka vysokaj jakaści nibyta biez vykarystańnia štučnych dabavak i zamieńnikaŭ, što zabiaśpiečvaje jaho naturalny i nasyčany smak.
Padčas adkryćcia ŭdzielniki i pieršyja pakupniki zmahli pakaštavać marožanaje i adznačyli vysokuju zacikaŭlenaść kitajskich spažyŭcoŭ u jakasnych i ekałahičnych praduktach.
Novaja krama pakul razhladajecca jak probny prajekt. Kali jon akažacca paśpiachovym, partniory płanujuć raźvivać u Šanchai cełuju sietku kram ź biełaruskimi praduktami.
Čytajcie taksama:
Alfa-Bank vypuściŭ marožanaje. Smak niezvyčajny
U ZŠA pradajuć marožanaje sa smakam hrudnoha małaka