U Breście pjany mužčyna ŭčyniŭ razborki z taksistam

38‑hadovamu žycharu Bresta, jaki złoŭžyvaje śpirtnymi napojami i ŭžo raniej traplaŭ u pole zroku milicyi, pjanamu niešta ŭzdumałasia padbiehčy da pryparkavanaha taksi i pasprabavać vyciahnuć ź jaho kiroŭcu, paviedamlaje UUS Bresckaha abłvykankama. 

Skrynšot ź videa

Vyciahnuć kiroŭcu z mašyny, praŭda, nie ŭdałosia, u tym liku i tamu, što toj byŭ pryšpileny ramianiom biaśpieki.

Kiroŭca adrazu pasprabavaŭ źjechać, ale mužčyna paśpieŭ niekalki razoŭ udaryć nahoj pa jahonym aŭtamabili, paškodziŭšy piarednija i zadnija dźviery.

Paśla hetaha debašyr nakiravaŭsia ŭ bližejšuju kramu, dzie jaho i zatrymali supracoŭniki milicyi.

Patłumačyć svaje dziejańni zatrymany nie zmoh. Pamier naniesienaj škody skłaŭ bolš za 800 rubloŭ.

U dačynieńni da mužčyny zaviali kryminalnuju spravu za chulihanstva (častka 1 artykuła 339 Kryminalnaha kodeksa Respubliki Biełaruś).

Kamientary da artykuła