U Biełarusi zapuścili prahramu «Mak»
U Biełarusi z 1 červienia pa 15 vieraśnia budzie pravodzicca śpiecyjalnaja prafiłaktyčnaja prahrama pad nazvaj «Mak». Jana nakiravanaja na toje, kab nie dapuścić raspaŭsiudžvańnia raślinnaj syraviny, ź jakoj mohuć vyrablacca narkotyki.
Zdymak ilustracyjny. Fota: magnific.com
U milicyi padkreślivajuć, što vyroščvańnie abo navat zachavańnie na ŭłasnych učastkach raślin, jakija ŭtrymlivajuć narkatyčnyja rečyvy (naprykład, maku abo kanoplaŭ), źjaŭlajecca parušeńniem zakona. Bolš za toje, heta moža spryjać złačynstvam, bo takija raśliny mohuć vykarystoŭvać ludzi, jakija ŭžyvajuć narkotyki.
Asobna adznačajecca, što navat kali mak abo kanopli vyraśli vypadkova, ich nieabchodna adrazu źniščyć.
Za najaŭnaść takich raślin na ŭčastku praduhledžany štraf — da 20 bazavych vieličyń. Kali ž budzie dakazana, što ich vyroščvajuć z metaj prodažu, pakarańnie značna bolš surjoznaje — až da pazbaŭleńnia voli na termin da 15 hadoŭ.
Taksama kiraŭnikam pradpryjemstvaŭ i arhanizacyj daručana sačyć za terytoryjami i prymać miery, kab nie dapuskać rostu dzikarosłych narkatyčnych raślin.
Čytajcie taksama:
12‑hadovaha minčuka złavili na raspaŭsiudzie narkotykaŭ. Jamu ničoha nie budzie
U Homieli zakładčyk pradaŭ śmiarotnuju dozu mietadonu i atrymaŭ 14 hadoŭ
U Minskim rajonie zahadčyk doma kultury vyroščvaŭ kanopli
U Babrujsku maci traich dziaciej zatrymali za ŭdzieł u narkaschiemach