Nasielnictva Japonii za piać hadoŭ skaraciłasia na try miljony
Za apošnija piać hadoŭ nasielnictva Japonii značna skaraciłasia. Pavodle papiarednich vynikaŭ pierapisu 2025 hoda, u krainie ciapier žyvie kala 123 miljonaŭ čałaviek, što prykładna na 3 miljony mienš, čym było ŭ 2020 hodzie, paviedamlaje vydańnie Yomiuri.
Zdymak ilustracyjny. Fota: magnific.com
U pracentnym vyražeńni heta źnižeńnie składaje kala 2,5%. Adznačajecca, što kolkaść nasielnictva ŭ Japonii pamianšajecca ŭžo nie pieršy hod — hety praces praciahvajecca z 2015 hoda, ale mienavita za apošnija piać hadoŭ skaračeńnie stała samym chutkim.
Źmianšeńnie nasielnictva nazirajecca amal pa ŭsioj krainie — u 45 z 47 prefiekturach. Vyklučeńniem stali tolki Tokia i Akinava, dzie kolkaść žycharoŭ navat kryšku padrasła.
Cikava, što navat u tych rehijonach, dzie raniej byŭ rost (naprykład, u prefiekturach Sajtama, Ciba i Kanahava), ciapier taksama zafiksavana skaračeńnie.
U cełym heta śviedčyć pra ahulnanacyjanalnuju tendencyju źmianšeńnia nasielnictva, jakaja z kožnym hodam stanovicca ŭsio bolš vyraznaj.
Čytajcie taksama:
Jak luboŭ da katoŭ u Japonii pieratvaryłasia ŭ miljardnuju industryju
Japonija ŭ pałonie maštabnaj alerhii. U hetym vinavaty prajekt 1950‑ch hadoŭ
U Japonii zhareła budyjskaja śviatynia, u jakoj užo 1200 hadoŭ haryć «viečny ahoń»