Насельніцтва Японіі за пяць гадоў скарацілася на тры мільёны
За апошнія пяць гадоў насельніцтва Японіі значна скарацілася. Паводле папярэдніх вынікаў перапісу 2025 года, у краіне цяпер жыве каля 123 мільёнаў чалавек, што прыкладна на 3 мільёны менш, чым было ў 2020 годзе, паведамляе выданне Yomiuri.
Здымак ілюстрацыйны. Фота: magnific.com
У працэнтным выражэнні гэта зніжэнне складае каля 2,5%. Адзначаецца, што колькасць насельніцтва ў Японіі памяншаецца ўжо не першы год — гэты працэс працягваецца з 2015 года, але менавіта за апошнія пяць гадоў скарачэнне стала самым хуткім.
Змяншэнне насельніцтва назіраецца амаль па ўсёй краіне — у 45 з 47 прэфектурах. Выключэннем сталі толькі Токіа і Акінава, дзе колькасць жыхароў нават крышку падрасла.
Цікава, што нават у тых рэгіёнах, дзе раней быў рост (напрыклад, у прэфектурах Сайтама, Ціба і Канагава), цяпер таксама зафіксавана скарачэнне.
У цэлым гэта сведчыць пра агульнанацыянальную тэндэнцыю змяншэння насельніцтва, якая з кожным годам становіцца ўсё больш выразнай.
Чытайце таксама:
Як любоў да катоў у Японіі ператварылася ў мільярдную індустрыю
Японія ў палоне маштабнай алергіі. У гэтым вінаваты праект 1950‑х гадоў
У Японіі згарэла будыйская святыня, у якой ужо 1200 гадоў гарыць «вечны агонь»