Pytańnie ab dopusku biełaruskaj chakiejnaj zbornaj na mižnarodnuju arenu budzie razhledžana ŭ vieraśni
«Zbornyja Rasii i Biełarusi? Jany viernucca ŭ niejki momant. Jany patrebnyja našaj chakiejnaj siamji», — skazaŭ prezident Mižnarodnaj fiederacyi chakieju.
Zbornaja Biełarusi pa chakiei. Fota: FCHB
Prezident Mižnarodnaj fiederacyi chakieja (IIHF) Luk Tardyf zajaviŭ, što ŭ vieraśni kanhres IIHF abmiarkuje dopusk zbornych Rasii i Biełarusi da ŭdziełu ŭ mižnarodnych spabornictvach, piša «Biełaruski chakiej».
«Zbornyja Rasii i Biełarusi? Jany viernucca ŭ niejki momant. Jany patrebnyja našaj chakiejnaj siamji, ale my nie chočam śpiašacca, chočam abaranić našy spabornictvy i harantavać biaśpieku dla ŭsich. Jość taksama biurakratyčnyja prablemy, akramia taho, heta zaležyć ad hieapalityčnych padziej. My zachoŭvajem spakoj i čakajem, ciažka pradkazać terminy. U vieraśni ŭ nas budzie važny kanhres, i my heta abmiarkujem», — skazaŭ jon.
Raniej dyscyplinarny saviet IIHF admieniŭ rašeńnie savieta fiederacyi ab niadopusku zbornych da mižnarodnych turniraŭ siezona 2026/27, jakija byli adchilenyja paśla pačatku ŭvarvańnia Rasii va Ukrainu.
Na minułym tydni stała viadoma, što junackaja zbornaja Biełarusi syhraje na ČS-2027, jaki projdzie ŭ ZŠA z 22 krasavika pa 2 maja. Taksama da mižnarodnych spabornictvaŭ byli dapuščany žanočyja nacyjanalnaja i junijorskaja zbornyja.
Čytajcie taksama:
Finlandyja ŭ piaty raz vyjhrała čempijanat śvietu pa chakiei
Łatvija budzie bajkatavać matč ź Biełaruśsiu na junackim čempijanacie śvietu pa chakiei