Makron paviedamiŭ pra zatrymańnie tankiera, jaki išoŭ z Rasii
Vajenna-marskija siły Francyi zatrymali tankier Tagor, jaki znachodzicca pad mižnarodnymi sankcyjami i išoŭ z Rasii, zajaviŭ u X prezident Emaniuel Makron.
«Heta apieracyja była praviedziena ŭ Atłantyčnym akijanie, u adkrytym mory, pry padtrymcy niekalkich partnioraŭ, uklučajučy Vialikabrytaniju, sa strohim vykanańniem marskoha prava», — napisaŭ jon.
Makron apublikavaŭ kadry vysadki desantu ź viertalota na tankier.
Pavodle źviestak VesselFinder, tankier z takoj nazvaj u kancy maja znachodziŭsia kala zachodniaha ŭźbiarežža Narviehii i nakiroŭvaŭsia z Murmanska ŭ nieviadomy port Bałtyjskaha mora.