Łukašenka pra Kim Čen Yna: Jon nijaki nie dyktatar
Pra heta jon zajaviŭ padčas sustrečy z hubiernataram Prymorskaha kraju Rasii Aleham Kažamiakam, kažučy ab mahčymych pasiarednickich pasłuhach kraju ŭ handli Biełarusi z KNDR, piša BiełTA.
Alaksandr Łukašenka i Kim Čen Yn padčas sustrečy u Paŭnočnaj Karei, 26 sakavika 2026. Fota Belarus Presidential Press Service via AP
«Ja zusim niadaŭna byŭ u KNDR. Viedajecie, kiraŭnik (Kim Čen Yn) zrabiŭ na mianie vielmi surjoznaje ŭražańnie. Razumnik! Małady čałaviek, pierśpiektyŭny, naceleny na supracoŭnictva. Nijaki jon tam nie dyktatar i inšaje. Jon, pa sutnaści, nie moža być dyktataram. Takim čynam, u nas zaviazalisia dobryja adnosiny. I my, Aleh Mikałajevič, vielmi na vas raźličvajem, što vy vykanajecie nam pasrednickija pasłuhi, jak kaliści my z vami abmiarkoŭvali, u handli z KNDR», — skazaŭ jon.
Jon adznačyŭ, što lidar KNDR Kim Čen Yn i kiraŭnik Prymorja dobra znajomyja i majuć dobryja adnosiny.
«Jon mnie šmat pra vas raskazvaŭ. Ja kažu: «Dyk heta ž naš čałaviek, naš siabar». Jon byŭ zadavoleny i padtrymaŭ hetuju ideju supracoŭnictva «Biełaruś — Prymorje — KNDR»», — adznačyŭ Alaksandr Łukašenka.