Śpiecyjalisty papiaredzili pra ryzyku vybuchu tušy kita Cimi kala datskaha vostrava. Jon prosta moža łopnuć
Dackija ŭłady zaklikajuć ludziej nie padychodzić da tušy.
Fota: Kai Moorschlatt / picture alliance via Getty Images
Tuša harbataha kita Cimi, jakuju vyniesła na vostraŭ Ancholt, praciahvaje razbuchać z-za hazaŭ, jakija ŭtvarajucca pry razłažeńni.
«Nielha dakładna skazać, kali takaja žyvioła łopnie. Heta zaležyć ad mnohich faktaraŭ, u tym liku ad tempieratury pavietra i stupieni razłažeńnia. Ale jon łopnie», — zajaviła Bild ekśpiert Niamieckaha marskoha muzieja ŭ Štralzundzie Almut Nojmajster.
Pa jaje słovach, pry vybuchu niebiaśpieku ŭjaŭlajuć nie tolki kavałki płoci, ale i bakteryi.
Dacki daśledčyk kitoŭ Pieter Tehlbierh Madsien skazaŭ Spiegel, što moža iści havorka pra «kiłahramovyja kavałki miasa, jakija mohuć zabić».
Akramia taho, pobač z tušaj možna zarazicca infiekcyjami, uklučajučy hryp, krasnuchu, taksapłazmoz i brucełajoz. Asabliva ryzykujuć ludzi, jakija padychodziać da kita biez achovy.
Śpiecyjalisty pavinny spačatku vypuścić z tušy hazy. Madsien paraŭnaŭ heta z razzaradkaj bomby. Dla pracedury vykarystoŭvajuć śpiecyjalny nož z kitałoŭstva: tolki ekśpierty viedajuć, dzie treba prakołvać toŭsty płast tłušču, kab hazy vyjšli kantralavana.
Dackija ŭłady zaklikajuć ludziej nie padychodzić da tušy.