Rasija ŭnačy naniesła masiravany ŭdar pa Ukrainie. Čysty teror: 73 rakiety pa haradach i 656 bieśpiłotnikaŭ
Ataka na stalicu Ukrainy pačałasia ź bieśpiłotnikaŭ a 01:55, zatym — balistyčnymi i kryłatymi rakietami.
Fota: DSNS
Viadomyja nastupstvy ŭ Padolskim, Šaŭčenkaŭskim, Śviatošynskim, Abałonskim, Salamianskim, Hałasiejeŭskim i Darnickim rajonach Kijeva. Paśla ŭdaraŭ balistykaj u Padolskim, Abałonskim i Šaŭčenkaŭskim rajonach naziralisia pieraboi z elektraenierhijaj.
U Kijevie, pa stanie na 08:00, u vyniku ŭdaru zahinuli čatyry čałavieki, paciarpieli 58 čałaviek.
U Dnieprapiatroŭskaj vobłaści zahinuli šeść čałaviek, paciarpieli 36. U Dniapry paśla ŭdaru razburana 49 budynkaŭ. Niekalki čałaviek nie vychodziać na suviaź.
Ličba achviar moža vyraści pa miery razboru zavałaŭ.