Tramp asabista paprasiŭ Si Czińpina paŭpłyvać na Pucina, kab spynić vajnu va Ukrainie
Tramp paviedamiŭ Si, što pieramovy pamiž Rasijaj i Ukrainaj zajšli ŭ tupik.
Sustreča Si Czińpina i Donalda Trampa ŭ Piekinie, 15 maja 2026. Fota: Evan Vucci/Pool Photo via AP
Prezident ZŠA Donald Tramp asabista źviarnuŭsia da staršyni KNR Si Czińpina z prośbaj akazać cisk na Uładzimira Pucina dla spynieńnia vajny va Ukrainie. Jak paviedamlaje South China Morning Post sa spasyłkaj na niekalki krynic, znajomych ź pieramovami, hetaje pytańnie ŭźnimałasia na samicie ŭ Piekinie ŭ minułym miesiacy.
Pavodle słoŭ surazmoŭcaŭ vydańnia, Tramp paviedamiŭ Si, što pieramovy pamiž Rasijaj i Ukrainaj zajšli ŭ tupik, i zaklikaŭ jaho vykarystać upłyŭ Piekina na Maskvu, kab viarnuć jaje da dyjałohu z Kijevam.
Jak adznačaje SCMP, taki zvarot adlustroŭvaje žadańnie Vašynhtona bolš aktyŭna ŭciahnuć kitajski bok u praces urehulavańnia kanfliktu, jaki Tramp paśla viartańnia ŭ Bieły dom zrabiŭ adnym z klučavych napramkaŭ svajoj źniešniaj palityki.