U Hrodnie dyrektar restarana aformiŭ supracoŭnikam fejkavyja adpačynki, zabraŭ ich adpusknyja i ŭsio spuściŭ na staŭki
U Hrodnie 24‑hadovy dyrektar restarana chutkaha charčavańnia skraŭ u kampanii bolš za 11 tysiač rubloŭ, paśla čaho prajhraŭ usio ŭ bukmiekierskich kantorach.
Schiemu chłopiec prydumaŭ minułaj vosieńniu. Jon padroblivaŭ podpisy ŭ dakumientach i bieź viedama padnačalenych afarmlaŭ im adpačynki. Kali buchhałteryja naličvała adpusknyja, dyrektar kazaŭ supracoŭnikam, što heta pamyłka, i prasiŭ pieravieści hrošy jamu na kartu.
Kab nichto ničoha nie zapadozryŭ, jon praciahvaŭ stavić ludziam pracoŭnyja hadziny ŭ tabielach.
Kali hrošaj ad «adpačynkaŭ» stała mała, kiraŭnik pačaŭ prosta zabirać z restarana vyručku. Hetuju niastaču buchhałteryja zaŭvažyła padčas pieršaj ža pravierki.
Na dopycie chłopiec va ŭsim pryznaŭsia i rastłumačyŭ, što mieŭ finansavyja prablemy i spadziavaŭsia adyhracca na staŭkach.
Hrošy jon užo viarnuŭ u poŭnym abjomie, ale ad suda za kradziež heta nie ŭratuje.