U Biełarusi chočuć dazvolić zamiežnym hramadzianam słužyć u vojsku pa kantrakcie
U Saviecie Respubliki prajšło pasiadžeńnie ekśpiertnaha savieta, dzie abmierkavali surjoznyja źmieny ŭ zakanadaŭstva ab vajskovaj słužbie.
Rasijanin instruktuje biełaruskich vajskoŭcaŭ
Hałoŭnaja navacyja prajekta, raspracavanaha Ministerstvam abarony, — aficyjna dazvolić inšaziemcam słužyć pa kantrakcie va Uzbrojenych siłach i ŭnutranych vojskach MUS Biełarusi.
Adpaviedny dakumient na pasiadžeńni pradstaviŭ načalnik Hienieralnaha štaba Pavieł Muraviejka.
Zakonaprajekt praduhledžvaje karekciroŭku cełaha šerahu zakonaŭ i kodeksaŭ, kab stvaryć lehalnuju pravavuju bazu dla inšaziemnych kantraktnikaŭ. Zaraz hetaja śfiera rehulujecca stroha: pastupić na słužbu pa kantrakcie mohuć tolki hramadzianie Biełarusi. Takija źmieny aznačajuć pryncypovuju źmienu padychodaŭ da kamplektavańnia biełaruskaha vojska.
Mahčymaść pryciahnieńnia zamiežnikaŭ u siłavyja struktury ŭłady źviazvajuć ź nieabchodnaściu «ŭmacavańnia nacyjanalnaj biaśpieki».