Siaredniaja piensija zamiežnika ŭ Polščy ŭ čatyry razy mienšaja za piensiju palaka
Heta 1200 złotych (283 jeŭra).
Kolkaść zamiežnikaŭ, zastrachavanych u ZUS (fondzie strachavańnia) pavialičyłasia z 293 200 čałaviek u 2016 hodzie da 1 288 800 čałaviek na kaniec 2025 hoda. Heta bolš čym čatyrochrazovy rost. Pryčym tolki za apošnija 12 miesiacaŭ kolkaść lehalnych zamiežnych rabotnikaŭ pavialičyłasia na vosiem pracentaŭ, piša «Dzic Pic. Ščyra pra polskaje».
Pamier siaredniaj piensii zamiežnika składaje ŭsiaho 1 200 złotych u miesiac (283 jeŭra). Heta značna nižej za siaredniuju polskuju piensiju pa krainie, jakaja za toj ža pieryjad skłała kala 4 000 złotych (945 jeŭra).
Jak tłumačać ekanamisty, zamiežniki masava prysutničajuć na polskim rynku pracy maksimum 11—12 hadoŭ (aktyŭnaje pryciahnieńnie pačałosia paśla 2014 hoda).
U ich prosta niama doŭhaj strachavoj historyi ŭ Polščy, ich unioski nie paśpieli nazapasicca i prajści šmathadovuju indeksacyju, jak u miascovych hramadzian, jakija pracavali tut usio žyćcio.