«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
Śpiecyjalny pasłańnik prezidenta ZŠA pa Biełarusi Džon Koŭł zajaviŭ, što praca pa vyzvaleńni biełaruskich palityčnych źniavolenych budzie praciahvacca. Takim čynam jon adreahavaŭ u sacyjalnaj sietcy X na słovy lidarki biełaruskich demakratyčnych sił Śviatłany Cichanoŭskaj.
Džon Koŭł, 11 vieraśnia 2025. Fota: Yauhen Yerchak Anadolu via Getty Images
Śviatłana Cichanoŭskaja, adkazvajučy na pytańnie šef-redaktara ŭkrainskaha vydańnia «Apostraf» Dzianisa Hłuško, paviedamiła, što ŭ biełaruskich turmach na siońnia zastajecca kala 800 palitviaźniaŭ. Pry hetym jana padkreśliła, što realnaja ličba moža być značna vyšejšaj, bo mnohija zatrymańni zastajucca niezadakumientavanymi praz strach svajakoŭ źviartacca da pravaabaroncaŭ.
Cichanoŭskaja vykazała padziaku za vysiłki amierykanskamu boku i asabista Koŭłu, adznačyŭšy, što dziakujučy pracesu pieramoŭ užo atrymałasia vyzvalić kala 500 čałaviek.
«My jašče nie skončyli. Nie stračvajcie nadziei!» — napisaŭ Koŭł u adkaz.