Ataka na naftavy terminał «Sankt-Pieciarburh»: źjaviłasia spadarožnikavaje fota z nastupstvami
Na zdymku sa spadarožnika Planet Labs za 3 červienia, jaki apublikavaŭ prajekt «Schiemy», vidać nastupstvy maštabnaha pažaru.
Va Ukrainie hetuju ataku kamandujučy Siłami bieśpiłotnych sistem USU Robiert «Madziar» Broŭdzi prakamientavaŭ tak: «Zajšli biez stuku, pad pokryvam biełych načej. Pryčyni akno, śmiardzić u Jeŭropu».
Jon dadaŭ, što hetaja apieracyja była praviedziena sumiesna ź Siłami śpiecyjalnych apieracyj, Słužbaj biaśpieki Ukrainy i Hałoŭnym upraŭleńniem raźviedki.
«Pieciarburhski naftavy terminał» raźmieščany na paŭdniovym uschodzie Pieciarburha. Zhodna z sajtam kampanii, jon źjaŭlajecca adnym z najbujniejšych terminałaŭ pa pieraładavańni naliŭnych hruzaŭ u Bałtyjskim rehijonie. Na jaho terytoryi raźmieščany 21 reziervuar dla zachoŭvańnia naftapraduktaŭ, a ahulnaja prapusknaja zdolnaść terminała składaje 12,5 miljona ton za hod.