Sieviaryniec anansavaŭ sustreču ŭ Łondanie
Eks-palitviazień budzie prezientavać svaju knihu «Biełaruś — heta śviatoje».
Fota z fejsbuka Paŭła Sieviarynca
«Łondan. U Brytanskim parłamiencie vialikaja mižnarodnaja kanfierencyja pa Biełarusi.
A zaŭtra — sustreča ź biełaruskaj dyjasparaj i prezientacyja knihi «Biełaruś — heta śviatoje». Zaprašaju biełarusaŭ Vialikabrytanii — 5 červienia a 18:30, Skarynaŭskaja biblijateka (37 Holden Rd N12 8HS)», — napisaŭ Pavieł u svaim fejsbuku.
U knizie «Biełaruś — heta śviatoje» sabrany 71 malunak biełaruskich chramaŭ, što Pavieł malavaŭ u turmach i kałonii svajmu synu Francišku, pakul nie zabaranili adsyłać, a taksama 71 vysłoŭje i 22 vieršy.
«Vieršy davodziłasia vučyć na pamiać, bo ŭ apošnija hady listy ź vieršami z turmy taksama nie vypuskali. Bolšaść z hetych vieršaŭ nidzie nie publikavałasia. Budu rady bačyć na sustrečy ŭsich, z kim siabruju pakul tolki ŭ sacyjalnych sietkach — kab, jak kažuć, raźvirtualicca», — pisaŭ Pavieł Sieviaryniec.
Fota: Radyjo Racyja