Dyzajn stancyi mietro «Kavalskaja Słabada» pryznany najlepšym na konkursie ŭ Rasii
Na konkurs pastupiła 300 zajavak.
Fota: Minski mietrapaliten
U Irkucku prajšła Mižnarodnaja vystava-konkurs «Kreatyŭny horad-2026». U ekspazicyi byli pradstaŭleny mastackija, prajektnyja i daśledčyja raboty aŭtaraŭ z Rasii, Kitaja i Biełarusi.
U naminacyi «Interjery — prastora identyčnaści i kreatyŭnaści» kalektyŭ stvaralnikaŭ abličča stancyi mietro «Kavalskaja Słabada» Minskaha mietrapalitena atrymaŭ Hran-pry, paviedamlaje Minski mietrapaliten u svaim telehram-kanale.
U liku dyzajnieraŭ byli biełaruskija prajektanty, dyzajniery i skulptary: A. Cielapniova, U. Cielapnieŭ, A. Kuźmič, M. Žvirbla, M. Tarleckaja i P. Vajnicki. Vialikuju pracu pa stvareńni ciapierašniaha ŭnikalnaha abličča «Kavalskaj Słabody» vykanali pradstaŭniki kalektyvu Minskmietraprajekta.
U arhanizacyjny kamitet pastupiła kala 300 zajavak z 21 horada, uklučajučy Minsk, Anšań, Charbin, Maskvu, Sankt-Pieciarburh, Jekaciarynburh, Pienzu, Pierm, Novasibirsk, Irkuck, Chabaraŭsk, Uładzivastok i inšyja.