Atručeńnie daškolnikaŭ zafiksavana i ŭ inšych nasielenych punktach
Śledčy kamitet paviedamlaje, što aproč Barysava, ustanoŭleny 13 paciarpiełych z roznych nasielenych punktaŭ Minskaj vobłaści.
SK zavioŭ kryminalnuju spravu pa fakcie atručeńnia niepaŭnaletnich u Barysavie.
Praviedzieny ahlady, dapytany paciarpiełyja, ich baćki i supracoŭniki ŭstanoŭ adukacyi. Kanfiskavany i vyvučany dakumienty ab zakupkach, umovach zachoŭvańnia i transparciroŭki praduktaŭ. Pryznačany ekśpiertnyja daśledavańni.
Jak paviedamlałasia, viečaram 2 červienia i ranicaj 3 červienia ŭ Barysaŭskuju rajonnuju balnicu pastupili 30 daškolnikaŭ sa skarhami na šmatrazovyja vanity, heta byli vychavancy 11 sadkoŭ.
Byli špitalizavanyja 27 dziaciej z papiarednim dyjahnazam «vostry hastraenteryt». Stan na momant pastupleńnia aceńvaŭsia jak siaredniaj ciažkaści. U troch vypadkach baćki aformili piśmovuju admovu ad špitalizacyi, i dzieci stali prachodzić lačeńnie doma.
Viečaram u sieradu vosiem dziaciej byli vypisanyja, siońnia vypisanyja astatnija, u balnicy zastaŭsia adzin pacyjent.