Атручэнне дашкольнікаў зафіксавана і ў іншых населеных пунктах
Следчы камітэт паведамляе, што апроч Барысава, устаноўлены 13 пацярпелых з розных населеных пунктаў Мінскай вобласці.
СК завёў крымінальную справу па факце атручэння непаўналетніх у Барысаве.
Праведзены агляды, дапытаны пацярпелыя, іх бацькі і супрацоўнікі ўстаноў адукацыі. Канфіскаваны і вывучаны дакументы аб закупках, умовах захоўвання і транспарціроўкі прадуктаў. Прызначаны экспертныя даследаванні.
Як паведамлялася, вечарам 2 чэрвеня і раніцай 3 чэрвеня ў Барысаўскую раённую бальніцу паступілі 30 дашкольнікаў са скаргамі на шматразовыя ваніты, гэта былі выхаванцы 11 садкоў.
Былі шпіталізаваныя 27 дзяцей з папярэднім дыягназам «востры гастраэнтэрыт». Стан на момант паступлення ацэньваўся як сярэдняй цяжкасці. У трох выпадках бацькі аформілі пісьмовую адмову ад шпіталізацыі, і дзеці сталі праходзіць лячэнне дома.
Вечарам у сераду восем дзяцей былі выпісаныя, сёння выпісаныя астатнія, у бальніцы застаўся адзін пацыент.