Amierykanskaha akciora Džejmsa Chendzi pasynak zarezaŭ nažom
Paśla jon patelefanavaŭ u palicyju i zajaviŭ, što «zabiŭ čałavieka-hracha».
Džejms Chendzi, fota Imbd
Nadzvyčajnaje zdareńnie adbyłosia ŭčora ŭ rajonie Tarzana Łos-Andželesa. Na terytoryi doma Chendzi akciora znajšli z nažavymi ranami. Niahledziačy na sproby akazać dapamohu, Chendzi pamior u balnicy.
44‑hadovy syn kachanaj Chendzi Majkł Hłedchił — pryjšoŭ da aficeraŭ i zajaviŭ, što mienavita jon źjaŭlajecca zabojcam. Hłedchił žyŭ razam z maci na momant napadu.
Vyśvietliłasia, što jon zarezaŭ jaho nažom, paśla čaho patelefanavaŭ u palicyju i zajaviŭ, što «zabiŭ čałavieka-hracha».
Skrynšot videa Fox News
Džejms Chendzi viadomy pa filmach «Džumandžy», «K-9: Sabačaja praca», «Top Han», «Arachnafobija», Jaho apošniaj pracaj była rola barmena Džymi ŭ błokbastery «Top Han: Mevieryk».