Tramp zajaviŭ, što čakaje ad Rasii i Ukrainy kampramisaŭ
«U minułym miesiacy ŭ ich zahinuła 25 tysiač čałaviek».
Fota: Anna Moneymaker / Getty Images
Tramp zajaviŭ, što čakaje ad Rasii i Ukrainy kampramisaŭ. Pra heta prezident ZŠA skazaŭ, kamientujučy ŭ Biełym domie palityčnyja padziei.
«Heta adbudziecca. Jany abodva pojduć na kampramisy. Ja prapanoŭvaŭ hetyja kampramisy. I, viedajecie, my prykłali da hetaha niamała namahańniaŭ. My chacieli b heta ŭbačyć. Jany abodva vielmi dobryja ludzi. Heta dźvie vielmi nievierahodnyja krainy. Cudoŭnyja krainy. Jany pavinny spynicca».
Tramp skazaŭ, što ŭ minułym miesiacy zahinuła 25 tysiač čałaviek.
«Sałdaty. Byli i inšyja ludzi, ale ŭ asnoŭnym sałdaty. I kožny miesiac sałdaty zabivajuć u siarednim kala 25 tysiač čałaviek. I ja ćviorda pierakanany, što jany pavinny pakončyć z hetym. Jany heta robiać. Ja chaču, kab kožny ź ich pajšoŭ na peŭnyja kampramisy. Ja dumaju, jany źbirajucca heta zrabić», — dadaŭ prezident ZŠA.