Pucin prapanavaŭ Hiermanii adnavić pastaŭki rasijskaha hazu
Pavodle jaho słoŭ, Rasija hatovaja da hetaha «choć zaŭtra».
Fota: Dmitry Lovetsky / AP
Uładzimir Pucin na sustrečy z zamiežnymi žurnalistami prapanavaŭ Hiermanii znoŭ kuplać u Rasii haz, jaki možna pastaŭlać pa acalełaj nitcy «Paŭnočnaha patoku», piša «Interfaks».
Pavodle jaho słoŭ, Rasija hatovaja da hetaha «choć zaŭtra», tamu ciapier rašeńnie znachodzicca ŭ rukach niamieckich palitykaŭ.
Umovaj takich pastavak Pucin nazvaŭ skasavańnie adpaviednych sankcyj ZŠA.
— I kali ŭrad Fiederatyŭnaj Respubliki Hiermanija damovicca sa svaimi partniorami, sankcyi buduć źniatyja, naciśniem knopku — i haz pojdzie. Choć zaŭtra. Damovicca ci nie damovicca — abo navat biez usialakich damoŭlenaściaŭ prosta skaža: nie, my tak vyrašyli. Vybačajcie, skaža svaim partnioram u Vašynhtonie, ale nam heta patrebna, i biez hetaha nam vielmi składana, — cytuje Pucina «Interfaks».