23‑hadovy Rusłan z Žabinki zakachaŭsia ŭ rasijanku i pierajechaŭ da jaje. A tam i na front — i pražyŭ dva tydni
Źviazaŭsia nie z tymi ludźmi, trapiŭ u rasijskuju turmu i spakusiŭsia prapanovaj vyjści na volu.
Rusłan na zadnim fonie z fotaaparatam na šyi. Fota z adkryćcia pieršaha ŭ Žabinkaŭskim rajonie internatu siamiejnaha typu ŭ 2017 hodzie. Fota: Biełta
Rusłan Kruhlej ros u Žabincy ŭ pryjomnaj siamji, u internacie siamiejnaha typu. Paśla vučyŭsia ŭ Žabinkaŭskim licei, zachavalisia zhadki pra jahony ŭdzieł u alimpijadach.
Urešcie chłopiec zakachaŭsia ŭ rasijanku i pierajechaŭ žyć u Rasiju. Tam jaho, jak ličać znajomyja, «kudyści ŭciahnuli i padstavili» — u vyniku sieŭ u turmu. I padpisaŭ kantrakt z rasijskim vojskam ŭ kancy lipienia 2025-ha, kab chutčej vyjści z kałonii.
Rusłan ź jašče adnym džentlmienam udačy pierad adpraŭkaj na zaboj. Fota: UKantakcie
Užo praz dva tydni pryjomnym baćkam Rusłana ŭ Biełarusi paviedamili, što Rusłan źnik bieź viestak.
Chłopiec, jak možna zrazumieć z sacsietak, hanaryŭsia svajoj prynaležnaściu da rasijskaj armii, za toj karotki čas pamiž vychadam z kałonii i źniknieńniem paśpieŭ zapościć svaje karcinki ŭ formie.