«Budzie vilhać — buduć hryby». Pad Hrodnam užo źbirajuć lisički

U tematyčnych hrupach u sacsietkach, dzie źbirajucca zaŭziatyja amatary cichaha palavańnia, pačaŭsia pieryjad ažyŭleńnia. Hrybniki ŭ pradčuvańni pačatku letniaha siezona. A niechta jaho ŭžo i adkryŭ, piša Newgrodno.by.

Adzin z karystalnikaŭ padzialiŭsia adnym ź pieršych uradžajaŭ lisičak u hetym hodzie. Jon sabraŭ pryhožyja, roŭnyja, maładyja hrybočki. Ich nie vielmi šmat, ale na sup ci na padžarku z bulbaj chopić całkam.

Mužčyna nie chavaje i łakacyi. Maŭlaŭ, sabraŭ ich u Bierastavickim rajonie, niedaloka ad pasiołka Pahraničny.

«Lisičak mora. Patrebny tolki vilhać i ciapło», — padkreślivaje hrybnik.

Zdajecca, nadvorje jaho pačuła. U najbližejšyja dni ŭ Hrodzienskaj vobłaści abiacajuć daždžy. Mahčyma, «palezuć» i hryby.

Praŭda, ciapier u mnohich rajonach dziejničaje zabarona na naviedvańnie lasoŭ z-za ryzyki pažaraŭ. Adnak kali daždžy projduć, to hety status źmienicca.

Kamientary da artykuła