Zapracavała «adno akno» dla ŭładalnikaŭ elektramabilaŭ
U Biełarusi zapracavała sistema «adno akno» dla ciapierašnich i budučych uładalnikaŭ elektramabilaŭ. Jaje stvaryła Biełaruskaja asacyjacyja raźvićcia elektratranspartu.
Zdymak ilustracyjny. Fota: «Naša Niva»
Praź śpiecyjalny partał karystalniki mohuć anłajn źviartacca z roznymi pytańniami: atrymlivać techničnyja kansultacyi, paviedamlać pra prablemy z zaradnymi stancyjami abo pakidać inšyja zvaroty.
Usie paviedamleńni buduć raźmierkavanyja pa katehoryjach. Adkazy płanujecca davać indyvidualna, a najbolš papularnyja pytańni i tłumačeńni publikavać u sacyjalnych sietkach asacyjacyi. Dla vyrašeńnia bolš składanych situacyj mohuć pryciahvacca śpiecyjalisty haliny, pradstaŭniki apierataraŭ zaradnaj infrastruktury i aŭtadyleraŭ.
Skarystacca z servisu moža kožny, niezaležna ad hramadzianstva i marki elektramabila. Pry padačy zvarotu nieabchodna paznačyć imia, kantaktnyja danyja, madel aŭtamabila i VIN-numar. Taksama možna prykłaści fotazdymki abo videa, jakija tyčacca prablemy.
Pavodle danych asacyjacyi, ciapier u Biełarusi dziejničaje 2688 hramadskich zaradnych stancyj, kala 70 pracentaŭ ź jakich źjaŭlajucca chutkasnymi. Na biełaruskich darohach ekspłuatujucca prykładna 60 tysiač ekałahičnych aŭtamabilaŭ, u tym liku kala 41 tysiačy elektramabilaŭ i bolš za 19 tysiač hibrydaŭ.
Čytajcie taksama:
U Minsku pastavili jašče adzin zaradny chab dla elektramabilaŭ
Ferrari prezientavała pieršy elektramabil
U Viciebsku źbirajucca vyrablać elektramabili
Z-za rostu cenaŭ na bienzin prodažy elektramabilaŭ u Jeŭropie vyraśli na tracinu