U Viciebsku płanujuć zapuścić vytvorčaść elektramabilaŭ śpiecyjalnaha pryznačeńnia z udziełam kitajskaha partniora. Administracyja svabodnaj ekanamičnaj zony «Viciebsk» padpisała miemarandum ab namierach z kitajskaj kampanijaj «Vańcaj», paviedamlaje vydańnie «Vićbičy».
Prajekt pakul znachodzicca na stadyi abmierkavańnia i padrychtoŭki, ale kitajski bok užo razhladaje mahčymaść pačać jaho realizacyju ŭ 2026 hodzie.
Novy zavod płanujuć raźmiaścić na terytoryi SEZ «Viciebsk». Dakładnyja abjomy inviestycyj, kolkaść pracoŭnych miescaŭ i inšyja padrabiaznaści pakul nie raskryvajucca. Viadoma tolki, što pradpryjemstva budzie vypuskać elektratranspart śpiecyjalnaha pryznačeńnia — dla pramysłovaści, łahistyki, kamunalnaj śfiery i inšych halin.
Heta nie adziny padobny prajekt u Biełarusi. Raniej paviedamlałasia pra zapusk biełaruska-kitajskaj vytvorčaści ŭ Połacku, dzie płanujuć vypuskać elektramabili dla sielskaj haspadarki i ŽKH. Sieryjnuju vytvorčaść tam chočuć pačać u 2026 hodzie, a da 2028 hoda vyjści na abjomy kala 5 tysiač mašyn u hod.
Z-za rostu cenaŭ na bienzin prodažy elektramabilaŭ u Jeŭropie vyraśli na tracinu
«Z zaradkami ŭsio z samaha pačatku pajšło nie tak». Biełarus raskazaŭ, jak jeździŭ na elektrakary ź Minska ŭ Taškient
U minskaj Kamiennaj Horcy adkryli bujny chab chutkaj zaradki elektramabilaŭ
«Biełdžy» płanuje sioleta vypuścić 10 tysiač elektramabilaŭ i hibrydaŭ
Kamientary