U Kijevie mašyna na šalonaj chutkaści zalacieła ŭ padziemny pierachod. Zahinuli čatyry čałavieki VIDEA
Kiroŭca atrymaŭ traŭmy, jaho zabłakavała ŭ aŭtamabili.
DTZ zdaryłasia kala 17:30 na skryžavańni vulic Vadzima Hiećmana i Ušynskaha ŭ Sałamianskim rajonie ŭkrainskaj stalicy.
Pavodle papiaredniaj infarmacyi palicyi, kiroŭca aŭtamabila Mercedes ruchaŭsia ź vialikaj chutkaściu, straciŭ kiravańnie i vyjechaŭ na piešachodnuju zonu kala padziemnaha pierachodu, zalacieŭšy i ŭ sam pierachod.
Čatyry čałavieki zahinuli na miescy zdareńnia, a troch paciarpiełych dastavili dla akazańnia miedycynskaj dapamohi.
Kiroŭca taksama atrymaŭ traŭmy. Paśla sutyknieńnia jon apynuŭsia zabłakavanym u mocna paškodžanym aŭtamabili. Ratavalniki debłakavali mužčynu i pieradali jaho miedykam.
Na miescy pracujuć śledčyja i supracoŭniki palicyi. Abstaviny i pryčyny avaryi vyśviatlajucca.
Čytajcie taksama:
Šalony manieŭr matacyklista ŭ Homieli trapiŭ na VIDEA
U Homieli bajkier tak tarmaziŭ na čyrvonaje śviatło, što katapultavaŭsia z matacykła VIDEA
U Kamianieckim rajonie troje ludziej paciarpieli ŭ vyniku avaryi