Kiroŭca, jaki ŭlacieŭ na šalonaj chutkaści ŭ padziemny pierachod u Kijevie, pierad tym spravakavaŭ čatyry DTZ
U Kijevie 5 červienia adbyłasia ciažkaja darožna-transpartnaja avaryja, u vyniku jakoj zahinuli čatyry čałavieki, jašče troje atrymali traŭmy. Kiroŭca, jaki lacieŭ na šalonaj chutkaści, straciŭ kantrol nad mašynaj, vyjechaŭ na piešachodnuju zonu i ŭrezaŭsia ŭ padziemny pierachod. Ciapier stali viadomyja padrabiaznaści pra jaho.
Achviarami trahiedyi stali dvoje mužčyn, žančyna i 12‑hadovy chłopčyk. Jašče troje čałaviek atrymali ranieńni roznaj stupieni ciažkaści.
49‑hadovy kiroŭca byŭ zabłakavany ŭ mocna paškodžanym aŭtamabili. Ratavalniki vyzvalili jaho z dapamohaj śpiecyjalnaha abstalavańnia i pieradali miedykam. Ciapier jon znachodzicca ŭ reanimacyi ŭ ciažkim stanie.
Paviedamlajecca, što mužčynu raniej nieadnarazova pryciahvali da administracyjnaj adkaznaści za pieravyšeńnie chutkaści. Akramia taho, jon užo byŭ udzielnikam čatyroch darožnych avaryj, dźvie ź jakich adbylisia sioleta.
Pa fakcie zdareńnia raspačali kryminalnuju spravu. Kali kiroŭca vyžyvie i jahonaja vina budzie dakazanaja, to jamu moža pahražać da dziesiaci hadoŭ pazbaŭleńnia voli.
Čytajcie taksama:
Šalony manieŭr matacyklista ŭ Homieli trapiŭ na VIDEA
U Homieli bajkier tak tarmaziŭ na čyrvonaje śviatło, što katapultavaŭsia z matacykła VIDEA
U punkcie propusku «Kazłovičy» fura najechała na 24‑hadovaha supracoŭnika łahistyčnaj kampanii