Delehatcy KR Alaksandry Mamajevaj vynieśli votum niedavieru ŭ jaje ž frakcyi
«U suviazi z abhruntavanymi pieraściarohami ŭ intaresach biaśpieki Śpisa i frakcyi «Jeŭrapiejski vybar» kvalifikavanaj bolšaściu (tryma čverciami) hałasoŭ spadaryni Alaksandry Mamajevaj vyniesieny votum niedavieru», — paviedamlajecca ŭ telehram-kanale błoka.
Alaksandra Mamajeva, 10 červienia 2025. Fota Ofisa Cichanoŭskaj
U suviazi z hetym rašeńniem, dalejšaje pradstaŭnictva Alaksandry Mamajevaj ad imia «Jeŭrapiejskaha vybaru» nie jość mahčymym, paviedamlaje frakcyja.
Alaksandra Mamajeva była delehatkaj KR treciaha sklikańnia i kiraŭnikom Mižnarodnaj kamisii KR, udzielničała ŭ stvareńni Narodnych ambasad Biełarusi. Z 2015 hoda žyvie ŭ Słavienii. U listapadzie 2025 hoda jana raskazvała pra sproby viarboŭki z boku KDB.
Na vybarach u KR apošniaha sklikańnia była ŭ śpisie «Jeŭrapiejskaha vybaru» na piataj pazicyi. Na šostaj pazicyi ŭ śpisie JEV Alina Charysava.