Žanočy «Rałan Haros» vyjhrała rasijanka
Pieramožcaj Adkrytaha čempijanatu Francyi (Roland Garros) 2026 hoda ŭ žanočym adzinočnym razradzie stała 19‑hadovaja rasijskaja tenisistka Mira Andrejeva. U finale, jaki adbyŭsia 6 červienia ŭ Paryžy, jana ŭpeŭniena pieramahła polku Maju Chvalińsku ź likam 6:3, 6:2.
Mira Andrejeva. Fota: Matthew Stockman/Getty Images
Niahledziačy na parazu Maja Chvalińska dasiahnuła histaryčnaha pośpiechu. Jana stała pieršaj tenisistkaj, jakaja prajšła kvalifikacyju turniru «Rałan Haros» i zdoleła dajści da finału asnoŭnaj sietki spabornictvaŭ.
Pieršaja rakietka śvietu, biełaruska Aryna Sabalenka, hetym razam siensacyjna vylecieła ŭ čverćfinale, prajhraŭšy rasijancy Dyjanie Šnajder.
«Rałan Haros» — adzin z čatyroch turniraŭ sieryi Vialikaha šlema razam z Adkrytym čempijanatam Aŭstralii (Australian Open), Uimbłdonskim turniram i Adkrytym čempijanatam ZŠA (US Open). Spabornictvy tradycyjna pravodziacca na hruntavych kortach.
U mužčynskim finale, jaki adbudziecca 7 červienia, sustrenucca tenisist z Hiermanii Alaksandr Źvieraŭ i italjaniec Fłavia Kaboli.
Čytajcie taksama:
Aryna Sabalenka siensacyjna addała čverćfinał «Rałan Haros»
Sierena Uiljams viartajecca ŭ vialiki tenis i zhulaje na turniry ŭ Łondanie
Sabalenka zastaniecca pieršaj rakietkaj śvietu pa vynikach «Rałan Haros»