Biełaruskaja harełka pahoršyła svaje pazicyi ŭ suśvietnym rejtynhu ałkaholu
Apublikavany rejtynh ałkaholnych napojaŭ The Millionaires' Club 2025. U śpis traplajuć vytvorcy, jakija pradajuć nie mienš za 9 miljonaŭ litraŭ na hod.
Usiaho ŭ rejtynhu 151 pazicyja. Na pieršym miescy — karejski sodžu Jinro. Na druhim — džyn Ginebra San Miguel, na trecim — indyjski viski Royal Stag.
U rejtynh nie pieršy hod traplajuć i biełaruskija vytvorcy. «Bulbaš'» zaniaŭ 120‑ie miesca (raniej było 122-je), «Briest'-Litovsk'» — na 136-m, «Kanaplanka» — na 141-m, «Stolhradnaja» (ad «Minsk Kryštal») — na 144‑m (raniej było 119-je).
Kali hladzieć tolki harełku — heta 36 pazicyj u rejtynhu, i «Bulbaš'» zajmaje 28‑ie miesca, «Minsk Kryštal» — 34-je.