Pašynian zapościŭ ryłs pieramožcy pad kultavy trek
Premjer Armienii apublikavaŭ videa, dzie jon zadavolena hladzić u kamieru.
Usio heta supravadžajecca lehiendarnaj We Are The Champions The Queen, jakuju ŭklučajuć paśla pieramoh, naprykład, u finale Lihi čempijonaŭ. Na łackanie pinžaka ŭ jaho značok, jaki paŭtaraje kontury Armienii.
Nikoł Pašynian vyjhraŭ učora parłamienckija vybary ŭ Armienii. Jaho błok «Hramadzianskaja damova» atrymaŭ 49,81 pracenta hałasoŭ, što daje 60 pracentaŭ miescaŭ.
Apazicyjny aljans «Mocnaja Armienija», jaki kiruje Samveł Karapiecian, rasijski biznesmien armianskaha pachodžańnia, nabraŭ 23,29%. Inšy błok apazicyjnych sił — «Armienija», jaki ŭznačalvaje były prezident krainy Robiert Kačaran, atrymlivaje 9,94%.
«Partyja «Hramadzianskaja damova» adzinaasobna stvoryć urad», — adznačyŭ Pašynian na pres-kanfierencyi.
Pašynian kiruje Armienijaj z krasavika 2018 hoda, jon pryjšoŭ da ŭłady padčas pratestaŭ.
Čytajcie taksama:
Partyja Pašyniana ŭpeŭniena pieramahła — 49,8% hałasoŭ, ale amal 60% miescaŭ u parłamiencie