Prezident Finlandyi nie vieryć, što Pucin napadzie na Jeŭropu, i zaklikaje da pieramoŭ
«Ja liču, što my pavinny razmaŭlać z Pucinym», — skazaŭ Alaksandr Stub.
Fota: UNIAN
Prezident Finlandyi Alaksandr Stub u intervju Neue Zürcher Zeitung zajaviŭ, što nie vieryć u pierśpiektyvu napadu Rasii na krainy NATA i zaklikaŭ Jeŭropu da dyjałohu z Uładzimiram Pucinym, piša Bild.
«Navošta Rasii praviarać dziejańnie artykuła piać [statutu NATA, pavodle jakoha napad na adnu krainu aljansu raŭnaznačny napadu na ŭsie inšyja], kali za čatyry hady jana nie zdoleła zavajavać Ukrainu?» — skazaŭ Stub.
Bolš za toje, Stub miarkuje, što Ukraina ciapier «u najlepšym stanoviščy na poli boju, čym kali-niebudź z pačatku vajny». U hetych umovach jon zaklikaje Jeŭropu inicyjavać novyja pieramovy z Rasijaj ab zaviaršeńni vajny: «Ja liču, što my pavinny razmaŭlać z Pucinym».
Pa słovach prezidenta Finlandyi, pieršym adnavić razmovu z Kramlom pavinien pasprabavać ES. Kali heta nie atrymajecca, inicyjatyvu mahli b uziać na siabie Hiermanija, Francyja i Vialikabrytanija.