U Mahilovie źjavicca ŭžo čaćviorty dvoryk u honar rasijskaha horada
U Mahilovie praciahvajuć stvarać novyja hramadskija prastory, pryśviečanyja rasijskim haradam. Nieŭzabavie ŭ horadzie płanujuć adkryć Jarasłaŭski dvoryk, jaki stanie ŭžo čaćviortaj padobnaj łakacyjaj, piša BG.Media.
Jarasłaŭski dvoryk u Mahilovie. Skrynšot ź videa
Novy abjekt raźmiaščajecca pa vulicy Leninskaj, 34. Na terytoryi ŭžo ŭstalavali ŭvachodnuju arku i praciahvajuć raboty pa dobraŭparadkavańni. Jak paviedamlaje telehram-kanał «Mahiloŭ — moj horad», hałoŭnaj admietnaściu novaj placoŭki stanie skaładrom u vyhladzie miadźviedzia — adnaho ź simvałaŭ rasijskaha Jarasłaŭla.
Jarasłaŭski dvoryk nie stanie pieršym padobnym prajektam dla Mahilova. Za apošnija hady ŭ centralnaj častcy horada ŭžo źjavilisia niekalki tematyčnych prastoraŭ, nazvanych u honar rasijskich haradoŭ.
Siarod ich — Maskoŭski dvoryk na vulicy Leninskaj, Tulski dvoryk na vulicy Budzionnaha i Chabaraŭski dvoryk na vulicy Pijanierskaj. Usie jany znachodziacca adnosna niedaloka adzin ad adnaho.
Takim čynam, paśla adkryćcia novaha abjekta ŭ Mahilovie budzie ŭžo čatyry hramadskija prastory, źviazanyja z rasijskimi haradami.
Ułady tłumačać źjaŭleńnie takich abjektaŭ mižrehijanalnym supracoŭnictvam pamiž biełaruskimi i rasijskimi haradami. Mienavita ŭ hetym kantekście ŭ Mahilovie rehularna źjaŭlajucca novyja elemienty haradskoj prastory z rasijskaj simvolikaj abo nazvami.
Čytajcie taksama:
«Heta znak taho, što kiroŭca — bydła». Minčukoŭ aburyŭ rasijski aŭtamabil. Što hetym razam?