Zialenski pravioŭ «vielmi pazityŭnuju razmovu» sa Styvam Uitkafam i Džaredam Kušnieram
Prezident Ukrainy Uładzimir Zialenski paviedamiŭ, što padčas siońniašniaha prypynku ŭ aeraporcie Kišyniova pry viartańni ź Vialikabrytanii pravioŭ sustreču sa śpiecyjalnym pasłańnikam prezidenta ZŠA Styvam Uitkafam i ziaciem Donalda Trampa Džaredam Kušnieram.
Uładzimir Zialenski. Fota: pres-słužba prezidenta Ukrainy
Pa słovach ukrainskaha lidara, hetaja razmova była «vielmi pazityŭnaj». Jon padziakavaŭ amierykanskamu boku za hatoŭnaść užo ŭ najbližejšyja tydni aktyŭna pracavać nad prasoŭvańniem dypłamatyčnych namahańniaŭ dziela spynieńnia rasijska-ŭkrainskaj vajny.
Uładzimir Zialenski adznačyŭ, što, niahledziačy na vialikuju mižnarodnuju ŭvahu da situacyi vakoł Irana, pytańnie dasiahnieńnia miru ŭ Jeŭropie taksama zastajecca na paradku dnia.
Padčas razmovy baki abmierkavali pierśpiektyvy ŭ kantekście samitu G7 i inšych mižnarodnych mierapryjemstvaŭ, zapłanavanych na červień. Ukrainski prezident taksama prainfarmavaŭ surazmoŭcaŭ pra acenki Kijeva adnosna pazicyi Maskvy.
Zialenski padziakavaŭ pradstaŭnikam ZŠA za padtrymku Ukrainy, pavahu da ŭkrainskaha naroda i stanoŭčuju acenku ŭkrainskaj pazicyi na pieramovach.
Čytajcie taksama:
Zialenski papiaredziŭ Pucina, što Ukraina «vielmi blizkaja» da stvareńnia balistyčnaj rakiety
Jeŭrapiejskija lidary i Zialenski vystavili Pucinu piać umoŭ
Źmianiŭsia aeraport dla zamiežnych vizitaŭ Zialenskaha — ciapier heta nie ŭ Polščy
Zialenski sustrakaŭsia z rasijskim miljarderam Abramovičam, kab pieradać Pucinu pasłańnie
Zialenski paćvierdziŭ svaju sustreču z Abramovičam. Toj pryvoziŭ pasłańnie ad Pucina