Zialenski papiaredziŭ Pucina, što Ukraina «vielmi blizkaja» da stvareńnia balistyčnaj rakiety
Ukraina prainfarmavała Rasiju ab hatoŭnaści bić balistyčnymi rakietami, kali Kreml nie pahodzicca na zaviaršeńnie vajny na biahučaj linii frontu.
Uładzimir Pucin adchiliŭ prapanovu Uładzimira Zialenskaha nakont zaviaršeńnia vajny i praihnaravaŭ papiaredžańnie pra ŭkrainskuju balistyčnuju zbroju, paviedamlaje vydańnie The Telegraph. Jak adznačajecca ŭ publikacyi, kiraŭnik Kramla mieŭ realny šaniec vyjści z vajny, adnak admoviŭsia ad jaho, niahledziačy na pramoje paviedamleńnie pra pačatak prymianieńnia Ukrainaj pryncypova novaha dla jaje ŭzbrajeńnia.
Pavodle infarmacyi The Telegraph, jakaja spasyłajecca na intervju Zialenskaha telekanału Sky News, Ukraina aficyjna prainfarmavała Rasiju ab hatoŭnaści nanieści ŭdary balistyčnymi rakietami, kali Kreml admovicca spynić vajnu na ciapierašniaj linii frontu.
Vydańnie padkreślivaje, što Rasija maje apošni šaniec urehulavać kanflikt da taho, jak udary ŭkrainskaj balistyki stanuć realnaściu, pakolki Uzbrojenyja siły Ukrainy vielmi blizkija da jaje atrymańnia. Materyjał vyjšaŭ pad krasamoŭnym zahałoŭkam: «Zialenski papiaredziŭ Pucina, što Ukraina nieŭzabavie moža zapuścić balistyčnuju rakietu pa Rasii».
«My vyrabili šmat roznych dronaŭ i rakiet, u nas da hetaha času niama balistyki, ale my ŭžo ŭ pracesie, my vielmi blizkija. Heta naš adkaz, i my nie budziem prosta moŭčki pamirać. My budziem adkazvać, i my budziem stanavicca macniejšymi i macniejšymi z kožnym dniom, dzień za dniom», — skazaŭ Zialenski.
Kamientary
A nie pa svajoj (choć i akupavanaj).
Primienili i srazu sdiełali priedłožienije, a nie naoborot.