U padmaskoŭnaj Bałašysie ŭzarvali aŭtamabil, kiroŭca zahinuŭ
Ranicaj 9 červienia ŭ padmaskoŭnaj Bałašysie vybuchnuŭ aŭtamabil. Pavodle paviedamleńniaŭ rasijskich telehram-kanałaŭ, zahinuŭ čałaviek.
Vybuch prahrymieŭ na vulicy Kałdunova kala 6 ranicy. Vidavočcy avaryi kažuć, što mužčyna sieŭ za rul svajho aŭtamabila BMW X3, zavioŭ i tolki pajechaŭ, jak aŭtamabil vybuchnuŭ i zahareŭsia.
Vidavočcy vyciahnuli kiroŭcu z mašyny, adnak mužčyna pamior.
U vyniku vybuchovaj chvali i paškodžańniaŭ ad ahniu paškodžany taksama inšy aŭtamabil, jaki ŭ hety momant prajazdžaŭ mima.
Aficyjnaj infarmacyi niama.