Kačanava zacikaviłasia biznesam u śfiery pachavalnych pasłuh, KDK pravieryć sistemu
Staršynia Savieta Respubliki zajaviła pra prablemu cieniavoha biznesu ŭ pachavalnaj śfiery.
Pavodle jaje słoŭ, rynak rytualnych pasłuh u asobnych vypadkach pracuje pa schiemie, dzie vyrašalnym faktaram stanovicca chutkaść dostupu da infarmacyi pra śmierć čałavieka, paviedamlaje «Minskaja praŭda».
«Ludzi traplajuć u biadu… Chto pieršy chutka prapanuje svaje pasłuhi, čałaviek tudy i źviartajecca», — adznačyła Kačanava na sumiesnym pasiadžeńni parłamienta.
Pavodle słoŭ Natalli Kačanavaj, Kamitet dziaržkantrolu moža zacikavić situacyja, jakaja skłałasia ŭ halinie.
Kiraŭnik KDK Vasil Hierasimaŭ paćvierdziŭ, što prablema ŭžo znachodzicca ŭ poli ŭvahi viedamstva. Jon adznačyŭ, što pachavalnyja kampanii atrymlivajuć infarmacyju ab pamierłych imhnienna.