Armianskaha siabra Łukašenki zatrymali pry sprobie vylecieć z krainy, na jaho zaviali kryminałku za padatki
Hahiku Carukianu nie chapiła 20 hałasoŭ na vybarach, kab prabicca ŭ parłamient. Ale biada nie prychodzić adna.
U Armienii zaviedziena kryminalnaja sprava suprać lidara partyi «Kvitniejučaja Armienija» Hahika Carukiana, jaho abvinavačvajuć va ŭchileńni ad vypłaty padatkaŭ u asabliva bujnym pamiery, piša Ateo Breaking.
Carukian siońnia sprabavaŭ źlacieć z Armienii, ale pravaachoŭnyja orhany nie dazvolili jamu hetaha. Jaho partyja na apošnich vybarach nie prajšła ŭ parłamient, nabraŭšy mienš za 4% hałasoŭ. Jamu naohuł nie chapiła 20 hałasoŭ, kab trapić u parłamient.
The Insider u svaim artykule taksama zhadvała Carukiana, nazyvajučy jaho «siabram Kramla».
Armianski miljarder Hahik Carukian nazyvaŭ siabie siabram Łukašenki, navat u svoj čas sustrakaŭ jaho ŭ aeraporcie i advoziŭ u svoj asabniak. A taksama prezientavaŭ Łukašenku bočku kańjaku, jakaja pavinna ŭ Jerevanie dačakacca viasiella Koli Łukašenki.