12 červienia nie buduć pradavać ałkahol
Pa ŭsioj Biełarusi 12 červienia abmiažujuć prodaž ałkaholu. Takoje rašeńnie pryniata ŭ suviazi z praviadzieńniem vypusknych viečaroŭ.
Zdymak ilustracyjny. Fota: «Naša Niva»
U bolšaści rehijonaŭ krainy zabarona budzie dziejničać na praciahu sutak — z 08:00 12 červienia da 08:00 13 červienia, choć kankretny čas vyznačajuć miascovyja orhany ŭłady. U asobnych haradach i rajonach abmiežavańni mohuć dziejničać z 00:00 da 24:00.
Pad zabaronu traplajuć mocnyja ałkaholnyja napoi, piva i słabaałkaholnyja napoi z utrymańniem etyłavaha śpirtu 7% i bolš.
Pry hetym abmiežavańni nie raspaŭsiudžvajucca na:
- kaviarni, bary i restarany, dzie ałkahol pradajecca na raźliŭ;
- prodaž ałkaholu dla praviadzieńnia viasiellaŭ, uračystych i rytualnych mierapryjemstvaŭ u vypadkach, praduhledžanych miascovymi praviłami.
Takija miery ŭ Biełarusi tradycyjna ŭžo šmat hadoŭ uvodziacca ŭ dni praviadzieńnia školnych vypusknych viečaroŭ z metaj prafiłaktyki pravaparušeńniaŭ i niaščasnych vypadkaŭ.
Čytajcie taksama:
Dziaržaŭnyja movy na 100 bałaŭ zdali bolš za 1400 čałaviek. Bolš čym na 90% heta ruskaja
100 bałaŭ na centralizavanym ekzamienie atrymali 638 vypusknikoŭ
U BNTU ŭvodziać elektronnuju čarhu pry padačy dakumientaŭ na pastupleńnie