Na paŭdniovym zachadzie Maskvy vybuchnuŭ aŭtamabil
Chto ŭ im byŭ, pakul nieviadoma.
Na miescy vybuchu aŭtamabila
Vybuch adbyŭsia ŭ aŭtamabili Zeekr na paŭdniovym zachadzie Maskvy.
Pavodle infarmacyi krynicy, mocny vybuch byŭ čutny na parkoŭcy na vulicy Uviadzienskaha ŭ rajonie Kańkova. Paśla zdareńnia z najbližejšych kram evakujavali ludziej.
Na miescy pracujuć ekstrannyja słužby, ruch transpartu pa darozie časova spynieny. Aficyjnaj infarmacyi pra zdareńnie pakul nie było.
Pierad tym, ranicaj 9 červienia, u mikrarajonie Avijataraŭ u padmaskoŭnaj Bałašysie vybuchnuŭ jašče adzin aŭtamabil. Pavodle paviedamleńniaŭ, BMW vybuchnuŭ amal adrazu paśla taho, jak kiroŭca sieŭ za rul.
Mužčyna atrymaŭ ciažkija traŭmy i pamior. Aficyjnaj infarmacyi pra jaho asobu pakul niama, adnak niekatoryja pravajennyja telehram-kanały śćviardžajuć, što zahinuły moh być hienierał-lejtenantam.
Pavodle danych kanała «Ostorožno, Moskva», u mašynie taksama znachodzilisia jašče dva pasažyry. Adzin ź ich zmoh vybracca z aŭtamabila i dapamoh druhomu pakinuć sałon.
Čytajcie taksama:
U padmaskoŭnaj Bałašysie ŭzarvali aŭtamabil, kiroŭca zahinuŭ
Ukraina atakavała centr vytvorčaści bieśpiłotnikaŭ na aeradromie pad Razańniu