Ciahnik Maskva — Homiel złamaŭsia pad Škłovam
U Biełarusi zdaryłasia čarhovaja pałomka ciahnika.
Biełčyhunka paviedamlaje, što siońnia ranicaj ciahnik №55 Maskva — Połack/Homiel, jaki adpraviŭsia z Maskvy ŭčora a 19:56 i pavinien siońnia prybyć u Homiel a 8:36, pa techničnych pryčynach (niespraŭnaść łakamatyva) byŭ spynieny na stancyi Ryžkavičy pad Škłovam.
Na stancyju byŭ nakiravany dapamožny łakamatyŭ. Ciahnik №55 Maskva — Połack/Homiel prybudzie na kančatkovuju stancyju z zatrymkaj prykładna 1 hadzinu 10 chvilin.