Dla haściej i ŭdzielnikaŭ «Słavianskaha bazaru» ŭvodzicca biaźviz
«Słavianski bazar u Viciebsku» projdzie z 14 pa 20 lipienia.
U adpaviednaści z rasparadžeńniem Łukašenki dla zamiežnikaŭ z 71 krainy, jakija nakiroŭvajucca na fiestyval praź mižnarodnyja punkty propusku, budzie dziejničać biaźvizavy paradak ujezdu ŭ Biełaruś. «Fiestyvalny biaźviz» uvodzicca z 4 pa 31 lipienia, paviedamlaje Pamiežny kamitet.
Zamiežnym haściam spatrebicca dziejny dakumient dla vyjezdu za miažu (zamiežny pašpart), aryhinalny abo elektronny bilet na mierapryjemstvy fiestyvalu, jakija ładziacca ŭ Letnim amfiteatry abo ŭ kancertnaj zale «Viciebsk».
Adzin kvitok dazvalaje adnarazovy ŭjezd u Biełaruś bieź vizy adnamu zamiežnamu hramadzianinu nie paźniej za datu praviadzieńnia paznačanaha ŭ bilecie mierapryjemstva.