Minčuka sudzili za pieraprodaž kvitkoŭ na chakiej
Na hetym tydni ekanamičny sud Minska pryniaŭ rašeńnie adnosna amatara padzarabić na zaŭziatarach chakieja.
Fota: Onliner.by
Nielehalny kamiersant nie pryznaŭ viny i ŭ paćvierdžańnie svajoj praŭdy pryvioŭ, na jaho dumku, pierakanaŭčyja dovady, paviedamiła Upraŭleńnie apieratyŭnych mierapryjemstvaŭ padatkavaj inśpiekcyi Minska.
«U mianie adsutničaŭ pramy namier na ažyćciaŭleńnie niezakonnaj pradprymalnickaj dziejnaści … spačatku nabyvaŭ bilety biez mety ich dalejšaj pieraprodažy».
Upraŭleńnie apieratyŭnych mierapryjemstvaŭ paviedamlaje pra bolš čym 60 faktaŭ prodažu biletaŭ pa canie vyšej za naminalnuju.
U viedamstvie zaznačyli, što sud vynies pastanovu nie na karyść minčuka, ale jakoje pakarańnie, nie piša.
Razmova pra matčy minskaha «Dynama» Ŭ KCHŁ, kvitki na hulni jakoha vyklikajuć ažyjataž u biełaruskich zaŭziataraŭ. Kłub u hetym siezonie źbiraŭ 39 anšłahaŭ, a kvitki sapraŭdy chutka raźlatalisia.